Showing posts with label වෙනත්. Show all posts
Showing posts with label වෙනත්. Show all posts

Wednesday, November 14, 2018

How to Flash Bricked Lumia 540 Dual Sim Mobile | Bricked උනු Lumia 540 Phone එකක් ගොඩ දාමු



ඔන්න සෑහෙන කාලෙකට පස්සේ ඔයාලට දෙයක් අරගෙන ආවා.
මම අද කියලා දෙන්න යන්නේ Lumia 540 Dual Sim Phone එකක් software Upgrade කරනකොටහරි  එහෙම නැත්නම් එක එක අත්හදා බැලීම් කරන්න ගිහින් විනාස උන්න නම් , එහෙම නැත්නම් mobile phone භාෂාවෙන් කියනවා නම් Bricked උන නම් , එහෙම නැත්නම් කොහොමවත් On වෙන්නෙත් නැත්නම් මොකද කරන්නේ සහ කොහොමද එක කරන්නේ කියන එක ගැනයි.

 වැදගත් - මේක අත්හදා බැලීමේදී සිදුවන ඇත වැරදීම් ගැන මම වග කියන්නේ නැහැ.එක නිසා කරන දෙයක් පරිස්සමින්.

රෝග ලක්ෂණ - Phone එක On වෙන්නේ නැති නම්, එහෙමත්ම නැත්නම් software update කරනකොට අත්වැරදීමකින් Data cable එක ගැලවුනා නම් , නැත්නම් එක එක වඩු වැඩ කරන්න ගිහින් phone එක දැන් On වෙන්නෙත් නැත්නම් ....

මේ ක්‍රමය ගොඩක් දුරට වැඩ කරනවා. මොකද මම මෙය ගැන හොයන්න ගොඩක් කල් ගියා.
(අවුරුද්දකටත් වඩා)

මුලින්ම මේ දේවල් ටික ලෑස්ති කරන්න.
1   
  Lumia 540 phone එක Battery එක අඩුම ගානේ 75% වත් Charge කරලා ඕනි.
2       Lumia firmware and Emergency Files RM-1141 (Model එක දීල Download කරගන්න පුළුවන්.
(Model Number එක එහෙම නැත්නම් RM Number බලා ගන්න පුළුවන් Phone එකේ Battery එක ගැලෙව්වහම)











Link - https://www.lumiafirmware.com/

3    Windows Recovery Tool - https://support.microsoft.com/en-us/help/12379/windows-10-mobile-device-recovery-tool-faq
4       Lumia emergency driver සහ Lumia 540 mobile Phone එකට අයිති Hex Files ටික සහ Phone එකට අදාල Qualcomm QDLoader HS-USB Drivers ටික
Link - https://drive.google.com/open?id=1qBcBeZ3dtlBgmot1J9oOAvmvy854chl_

5       වැඩකරන Data Cable එකක්
________________________________

හරි දැන් අපි වැඩේට බහිමු.

මුලින්ම Lumia 540 phone එකේ battery අයින් කරලා USB cable එකෙන් Computer එකට සම්බන්ධ කරන්න. එතකොට එය Drivers වගයක් ඉල්ලයි. ඒවා ඔක්කොම Install කරගන්න. උදව්වක් ඕනි නම් පල්ලෙහා තියෙන ලින්ක්ස් වලට ගිහිල්ලා බලන්න.
Link - https://mtktool.blogspot.com/p/qualcommdriver.html
Link - https://forum.hovatek.com/thread-16965.html
Video - https://www.youtube.com/watch?v=Jn_ev6SPol0
වැඩේ හරියම උනා නම් Phone එක USB Cable හරහා Connect කරපුවහම මේ විදියට Device Manager එකේ ඔයාගේ Phone එක පෙන්නයි (Port Number එක ගැන වැඩිය හිතන්න එපා).







ඊට පස්සේ අපි download කරගත්ත Windows Recovery Tool එකත් install කරගන්න.

උදව්වට Link - https://www.youtube.com/watch?v=Azm_gx3MuoY

ඊට පස්සේ අපි https://www.lumiafirmware.com/ එකෙන් download කරගත්ත firmware file ටික ඔක්කොම RM-1141 කියලා Folder එකක් හදලා ඒ file ඔක්කොම ඒ folder ඇතුලට දාන්න.
දැන් ඒ folder එක copy කරන්න මෙන්න මේ folder එක ඇතුලට.
C:\ProgramData\Microsoft\Packages\Products
ඊට පස්සේ අපි Windows Recovery Tool එකත් install කරගත්ත Folder එකට ගිහින් ඒ folder එක  CMD හරහා Open කරගන්න.

64 Bit OS නම් - C:\Program Files (x86)\Microsoft Care Suite\Windows Device Recovery Tool
32 Bit OS නම් - C:\Program Files\Microsoft Care Suite\Windows Device Recovery Tool















ඊට පස්සේ ඒ folder එක මේ විදියට ගියහම CMD එකකින් Open කරගන්න පුළුවන්.

දැන් කරන්න තියෙන්නේ මම download කරගන්න දුන්නු Files ගොඩේ තියෙනවා Manufacturing SW Package කියලා Folder එකක්. අන්න ඒ Folder එක ඇතුලේ තියෙනවා File 2ක්. අන්න ඒ File 2ක ඔයාලගේ computer එකේ C: Driver එක ඇතුලට Copy කරන්න.

ඊට පස්සේ මම මෙය පල්ලෙහා දාල තියෙන විදියට අර කලින් අපි ගත්ත CMD එකේ ටයිප් කරගන්න.
thor2 -mode emergency -hexfile C:\MPRG8x12_fh.ede -edfile C:\RM1141_fh.edp

ඊට පස්සේ අපිට කරන්න තියෙන්නේ OS file එක අපේ Phone එකට දාගන්න එක. ඒකට කරන්න තියෙන්නේ.
එකට මේ code ගහන්න....

thor2 -mode ffureader -ffufile "C:\ProgramData\Microsoft\Packages\Products\rm-1141\RM1141_02074.10000.15174.44001_RETAIL_prod_signed_1007_02250F_000-66_MV.ffu" -dump_gpt -filedir C: \dump

මේ code එක ගහපු ගමන් ඔයාගේ phone දෙතුන් පාරක් ON OFF වෙලා රතු පාට තිරයකට ඇවිත් නවතීවි.

 ඊට පස්සේ ඔයාගේ phone එක USB Cable එකෙන් අයින් කරලා Battery එක දාලා අයිමත් USB එකට ගහන්න. දැන් ඔයාගේ Phone එක ඉස්සර වගේම Charge වෙන තිරයට එයි.









මේක ආවා කියන්නේ phone එක හුස්ම ගන්න පටන් ගත්තා කියන එක තමා එත් තම වැඩේ ඉවර නැහැ.
ඊට පස්සේ මේ වගේ තීරයකට එයි. මේකට කියන්නේ Windows Lumia rollback screen කියලා.



ඊටත් පස්සේ ටික වෙලාවකින් ඔයාගේ phone සාමාන්‍ය විදියටම Main Screen එකට එයි මෙන්න මේ වගේ....

















මේක ආවා කියන්නේ අපේ වැඩේ සාර්ථකයි කියන එක තමා....
ඔයාලගෙත් Lumia 540 Phone එකට මෙහෙම උනා නම් කරලා බලන්න.... 
එහෙනම් ආයෙත් මේ වගේ දෙයක් අරගෙන එන්නම්...

Saturday, December 24, 2016

කොහොමද යාළුවනේ..
හ්ම්....අද 2016 දෙසැම්බර් 24.....
අම්මටසිරි...
ඒ කියන්නේ මේ බ්ලොග් පිටුවට ඊයෙට අවුරුදු 7 ක් පරණයි කියන එක
ලියන්න කියන්න නම් ගොඩක් දේවල් තියෙනවා..
බ්ලොග් අවකාශෙ දැන්නම් ගොඩක් පාළුවට ගිහිල්ල..
මට වඩා ගොඩක් පරණ අය මේ වෙනකොටත් බ්ලොග් ලියන එක නැවතිලා එහෙම නැත්නම් නවත්තලා....
පහුගිය කාලේ හැමෝගේම උදවු ඇතිව මම මේ බ්ලොග් පිටුවේ නම වෙනස්කලා...
හැම එකම විදියට ඉන්නත් බැහැනේ ඉතින්.....
ඉක්මනටම එනනම්කෝ මම ඔයාලව බලන්න මගේ අලුත් බොලොග් පොස්ටු අරගෙන...
හැමෝටම මේ දවස්වල ඉතින් නත්තල්නේද ???
එළ එළ.....
හම්බෙමුකෝ....

Thursday, March 17, 2016

වෙනසක් එක්ක ගමනක්

 
 හායි....හායි....

ඉතින් ඉතින් කොහොමද ?

සෑහෙන්න කාලෙකකින් ආහ්.....

සෑහෙන්න වෙනසක් වෙලා නේද ??

ඔන්න කාලයක් තිස්සේ බලාපොරොත්තුවනේ හිටපු විදියට මම මගේ බ්ලොග් කට්ට වෙනස් කලා..
මුලින්ම කියන්න ඕනි මට මේ වෙනකන් දවසට එකපාරක් හරි ඇවිදින් මම අන්නද මලාද කියල බලල ගිය කස්ටියට මම බොක්කෙන්ම ඔලුව නවලා දනගහලා බඩ ගලා පින් දෙනවාග මොකද ඔයාලා හින්දා තමයි මේච්චරකල් හරි මේ දේවල් ලියන්න තිබ්බ ආසාව තාමත් තියෙන්නේ...

පොඩ්ඩක් පොඩ්ඩක් පොඩ්ඩක් නැවති නැවති ලියන්න වෙලා තියෙන්නේ කාලයත් එක්ක සිද්ධවුනු හැල හැප්පීම් නිසා...

කොල්ලගේ ජීවිතේ අම්පානෙකට වෙනස් උනා.. කොටිම්ම කිව්වොත් හුලන් හමන දිසාවත් වෙනස් උනා..

හරි හරි ඒවා දිග කථා ......

පප්පර පප්පර පාම්.....
මෙන්න ඔබ පුල පුලා උල උලා බලා සිටි ඒ අසිරිමත් මොහොත....
පුරා වසර දෙකකට අධික කාලයක් තිස්සේ ඔබත් මාත් ආදරයෙන් කෑදරයෙන් කැසිල්ලේන් බලා සිටි ඒ අසිරිමත් මොහොත...

 

ඔන්න දැම්මා එහෙනම්......
කාලයක් තිස්සේ කල්පනා කරලා කරලා කරලා කරලා කරලා.... අන්තිමට මගේ රසියන්ගේම ඉල්ලීමක් මත එන්න ඒකත් වෙනස් කොරා...

බ්ලොග් ලියපු ගොඩක් වැඩ්ඩෝ අද සද්දයක් නම් නැහැ....විසේයෙන්ම රත්ගමයා.... නාඩියා.....රජා...
අම්මේ ලියන්න ගියොග් ගොඩක් ඉන්නවා.....
යකුනේ ආයෙ ලියපල්ලාකෝ......

සුදීක අයියා ඔයාට ගොඩක් පිං........
ඒ වගේම මං එක්ක පුරා අවුරුදු 6ත් තිස්සේ මගේ හරි වැරදි හදලා....මත් එක්ක ඉන්න හිටපු හැම දෙනාටම ගොඩාක් ගොඩාක් ....ස්තුතයි...

එහෙනම් ආයෙ ඉක්මනටහ හම්බවෙමුකෝ.........

Sunday, December 8, 2013

කුරුටු ගෑම !



අම්මෝ........ඔන්න සෑහෙන කාලෙකින් බ්ලොග් එකට ගොඩඋනා. කියන්න නම් ගොඩක් දේවල් තියෙනවා. 

මුලින්ම කියන්න තියෙන්නේ මෙන්න මෙවුවා...

1. මෙච්චර කල් මගේ බ්ලොග් එකට දවස ගානේ නිකමට හරි කරක් ගහලා මෙනවා හරි දෙයක් අහුල ගත්ත කෙනෙක් සිටී නම් අයියනායක දෙයියන්ගේම පිහිටයි.බුදු සරණයි.(යකෝ මේවා කියන්නේ හිතේ තරහකට නෙවෙයි....දරාගන්න බැරි සතුටට)

2. පහුගිය කාලේ මේ පැත්තේ එන්න බැරි උනා. සිංහලේ ඉපදිලා සිංහල වෙනුවෙන් දෙයක් කරන්න බැරි උනා. දන්න නොදන්න අය වෙනුවෙන් රසවින්දනයට දෙයක් කරන්න අමතක උන. ඒකට මගේ රසික රසිකාවියන්ට අනේකනාරයන් සමාවෙන්ට ඕනි.....හරිය.....

3. මැයි මාසෙන් පස්සේ මෙලෝ දෙයක් කරේ නැති නිසා බ්ලොග් එක නැති බංගස්තාන වෙලාද මන්දා. මට කියලා ගොඩක් රසිකයෝ නැති උනාට හිටිය පිරිස විටින් විට ඇවිත් ගිය එකටගොඩක් පින්. ඒවගේම මග තොට දැක්කම මචං ඇත් දැන් බ්ලොග් එක ලියන්නේ නැත්තේ කියලා අහලා මගේ හයියට හිටිය...මගේ හැම පියවරකදිම මට අත දුන්න. විසිල් එකයි බල්ටියෙන් සපොට් එක දුන්නු හැමෝටම ගොඩක් පිං.

හ්ම්.....


ඔන්න එහෙමයි ගිය කාලේ උනා කියන්නේ...

මැයි මාසෙන් පස්සේ ජීවිතේ නං ගොඩක් දේවල් උනා. කොහොම උනත් මතක හිටිය දේවල් අතර බ්ලොගාර්ස්ගේ ගොට්ටුවට ගියා රජයි. ගවේශකයයි...තව නගාල දෙන්නෙක් එකක්....එකේදි ගොඩක් දේවල් උනානේ....ඒවා ආයේ අමුතුවෙන් කියන්න දෙයක් නැහැනේ....

ඊට පස්සේ ගවේශකයි, පොඩි මහත්තයයි, ලොශාන් මහත්තයයි එක්ක නකල්ස් පැත්තේ රවුමක් ගහන්නත් ලැබුනා. කියන්න දෙයක් නැහැ ජීවිතේ කෙලවර වෙනකම්ම ඒ දේවල් අමතක වෙන එකක් නැති වෙයි.

තව.....ආහ් අපේ ගවේශක තැනගේ අදහසක් විදියට අපි IT's Time to Hike කියලා පේස් බුක් පිටුවක් පටන් ගත්තා මේ වෙනකොට ගමන් බිමන් කිහිපයක්ම ගියා. කියන්න කලින් ගොඩක් අය දන්නවත් ඇති. ඒ පැත්තෙනුත් ඉස්සරහට ලොකු වෙනසක් කරන්න අපි බලාපොරොත්තුවෙන් ඉන්නවා.

ඔයින් මෙයින් ගෙදෙට්ට කොටුවෙලා හිටිය කොල්ලට ජොබ් එකක් සැට් උනේ අනූනවයෙන්.... අනේ වාසනාවන්....කිව්වලු...එදා හිටන් අද වෙනක් මම කරන්නේ එන්න ඒ ජොබ් එකමයි. පොඩිකාලේ හිටම්ම කොම්පියුටරේට තිබ්බ ආසාමේ අග්ගර පලය තා මේ ජොබ් එක... ඉතින් ඔහොම කාලයක් යනකොට මගේ හිමිකන් ඔක්කොට කොහෙන්ද ආපු පොඩි එකෙක් ටොක්ක ඇන්නේ හරියටම මීට මාස 8 කට 9කට විතර කලින්නේ....ඒ තමා අපේ අක්කගේ පොඩි එකා......කොල්ලෙක්....මම ඒකගේ මාමා විදියට මේ වෙනකොට ගාලය ගෙවනවා. මූට අනිත් ඔක්කොට දකිනකොට ලාබාල හිනවාක් දැම්මත් , මම දකිනකොට කොල්ලගේ මූණෙ තියෙන්නේ පට්ට පදිරි කුප්ප හිනවක්. මා දහා බලන්නේම නක්කලේටමයි. අර කතාවට කියනවා වගේ මා කළ වරදට ඇයි අම්මට බයින්නේ වගේ එකාගේ හිනවට ඉතින් මම ඒ පොඩි එකාට මෙනවා කොරන්නද. හැබැයි එක දෙයක් ඒකාන්තයි. ඔය පොඩි එකා තේරෙන වයසට එනකොට මේ මාමාගේ කෙස් ගස් පිටිම්ම උගුල්ලනවා ඒකාන්තයි. 

වැඩිය ලියලා ඔයාලාට එපා කරන්න කැමති නැහැ මම. කොහොම උනත් අවුරුදු 3 ක් විතර තිස්සේ බොහොම හෙමින් තමා මගේ ගමන යන්නේ.... මගේ පොස්ටු  කියවපු කොමෙන්ට් කරපු ගුණ දොස් යෝජනා චෝදනා කරපු... මාත් එක්ක මෙච්චර කල් හිමිය හැමෝටම ගොඩක් ස්තුතියි

මාත් එක්ක සමකාලීනව බ්ලොග් ලියන්න ගත්තු...මට පෙර හා මට පසු බ්ලොග් ලියන්න පටන් ගත්තු හැමෝටම තව දුර යන්න ශක්තිය දෛර්ය වාසනවා ලැබෙන්න කියලා මම එක හිතින්ම මම පතනවා..

ඔන්න කියන්න හිටිය දේ තව පොඩ්ඩෙන් අමතක වෙනවා.... මේ මාසේ 23 වෙනිදට මගේ බ්ලොග් ගමනේ 4 වෙනි අවුරුද්ද පහු කරනවා. තාම පොස්ටු ගොඩක් නැති බව ඇත්ත....ගමන හෙමින් බවත් ඇත්ත... ඒත් එදාටත් මම විශේෂ දෙයක් කරන්න බලාපොරොත්තුවෙන් ඉන්නවා...

එහෙනම් ගිහිල්ල එන්නම්
120ට 220ක් ම ආයුබෝ වේව !

Friday, December 28, 2012

කියවන්න අමරුයි නම් උදව්වක් !

ඔන්න ගෙනවා බඩ්ඩක් ඇහ්... අපිට කියවන්න අමාරු හැඩ වැඩ දාල එන වෙබ් පිටු කියවන්නම හැකි උපරිමයට පෙන්නන්න වෙබ් පිටුව සකස් කරල දෙන වැදගත් මෙව්වා එකක්



අයිටම් එකේ නම Evernote Clearly කියන Extension
මේක පාවිච්චි කරන්නේ Google Chrome වලට තමා මොකද මම තාම මේ අනිත් ඒවත් එකක් සංසන්දනය කරන නැති හිංදා. කොහොම උනත් ඔයාලත් පාවිච්චි කරනවා නම් මේකෙන් ඕනිම කියවන්න අමාරු වෙබ් පිටුවක් ඇහැට අමරු නැති සරල විදියට සකසලා වර්ණ යොදා වෙනස් කරල දෙනවා. කොටින්ම කිව්වෙත් කියවන්නම කියපු මෙව්වා එකක්

ඔයාලත් බලන්නකෝ මේ පාවිච්චි කොරලම !

මෙතනින් ගිහින් අරගන්න නොමිලේම

එක ඔයාලගේ Google Chrome එකේ Install උනහම මෙන්න මෙහෙම Icon එකක එයි

දැන් කරන්න තියෙන්නේ බොහොම සරල දෙයක් .....

අපිට කියවන්න ඕනි වෙබ් පිටුවට ගිහිල්ලා ඔය උඩ මම පෙන්නපු උඩ ක්ලික් කරන එක විතරයි. එතකොට එයා අපි ඒ වෙබ් පිටුව කියවන්න පුළුවන් සරලම විදියට ඒකේ පෙනුම වෙනස් කරල දෙනවා..

බොහොම සරලයි.....ඒත් වැඩකට බොහොම වටිනවා

ඔන්න බලන්නකෝ මගේ බ්ලොග් එක පෙන්නන විදිය


  
පින්තූරෙ උඩ ක්ලික් කරලා පැහැදිලිවම බලන්න 

Saturday, September 8, 2012

ඒ බං බලපංකෝ මේ පන්සලේ උස බං


මේකත් ඉස්සෙල්ලා කිව්වා ඔයින් ගියා ඇති රස බර ආල කෙරුම් වගේ එකක් තමා. මට මේක මතක් උනේ මගේ ඉස්කොල කාලේ පින්තූර බල බල ඉන්නකොට. මේක වෙනකොට මම උ.පෙළ කරන්න රදාවඩුන්න ඉස්කෝලෙට ගිය මුල් කාලයේ තමා. ඔන්න ඉතින් උ.පෙළ අපි ඉගෙන ගන්න කාලේ අපි තමා ඉස්කෝලෙ පොරවල් ඈහ් හිටියොත් හොඳට හැදී දෙවියොත් නමට වඳී කියලා තමා අපි නම් හිතාගෙන හිටියේ. මොන පිස්සුද ඒ කතා 11 වසර එවුන් කෙලින්න බලාගෙන මයි ඉන්නේ. අපි හිටිය සේනාංකෙත් එක්ක බලනකොට අපි කෑව නම් තාමත් උන් ගෙන් කනවා. බලන් ඉන්න එවුන්ට කියන්න වෙන්නේ පව් කියලා තමා.කොහොම උනත් අපි 11 වසරේ එවුන්ව බොහොම සමගියෙන් තියාගෙන ඉන්න උත්සහ කලා. සමහර වෙලා වැඩේ ගොඩත් ගියා. සමහර වෙලාවට ඉතින් සම"හරක්" ම තමා යකෙකුටවත් මෙල්ල කරන්න බැහැ. අපේ ලොක්ක වලි වලට බය හින්දා 11 වසරේ ගුටි කෙලි මෙල්ල කරන්න 12 වසරේ සිංහයොන්ට තමා කියන්නේ , හික්ස්... අපිනේ දන්නේ අපි දාන සෙල්ලං. අපි ඉතින් පුටු පෙරලගෙන දුවනවා වලි බේරන්න. එතන යනකොට ඉස්කෝලෙන් අපිට දුන්නු ශිෂ්‍ය නායක බැජ් ඔක්කොම සාක්කු වල හැංගෙනවා. ඊට පස්සේ ඉතින් අපි ඔක්කොම එක යායක තමා. අපේ අත පයෙත් හිරි ඇරගන්න මේ වගේ උත්සව අවස්ථා අපි අතාරින්න කැමති නැහැ.බොහොම ජයට සමරනවා. අපිත් වලිය බේරන මුවාවෙන් එකෙක්ට හය හතක් අයිනවා.

පට්ටම කාලයක් ඒ කාලේ. අපි ටීචර්ලට නොවෙයි ටීචර් අපිට වඳිනවා " අනේ පුතේ ඉස්කෝලේ එන්න 80% සම්පූර්ණ කරගන්න " කියලා. ඒත් ඉතින් හිත දුවන්නේම 11 වසරට. ඇයි ඉතින් වලි බේරනවා ඉවරයක් නැහැ. ඇත්තටම කිනවා නම් අපි ඒකට ඒක නම් කිව්වේ හිතවත්කම් අලුත් කරගන්නවා කියලා. ඒකෙත් අමුතු විනොදයක් තියෙනවා. අපි ඉතින් 11 වසරට යනකොට කොල්ලො ගහ මරා ගත්තට 11 වසරෙන් උන්ට පහල පන්තිවල පොඩි උන් තොප්පිය දීල ඉවරයි. අපි එනකොට සීන් එකේ සුපිරි ජවනිකා ඔක්කොම ඉවරයි. අපි ඉතින් ඉතුරු කොටස් ටික පෙන්නලා එනවා. පස්සේ පස්සේ මේ තත්වය ගොඩක් වෙනස් උනා. අපිට 11 වතර තහනම් කලාපයක් උනා මොකද අපි වලි බේරන්න යන මුවාවෙන් 11 වසරෙ නංගිලගේ දුක සැප බෙදාගන්න යනවා කියලා ඉස්කෝලෙ පුරාට කත කථා පැතිරුනු හිංද. හැබැයි ඇත්තට අපි එවුගි ගියේ එකට තමා. ඒවගෙන් සමහර ඒවා මේ වෙනකොට සුභ මංගලම් වලින් කෙලවර උනු සිද්ධිත් තියෙනවා. ඒවා  පස්සේ කියන්නම්.

මම කිය කියා හිටියේ අපේ ඉස්කෝලේ කාලේ ගැනනේ. මම මේ කියන්න හිටිය කථාව සිද්ධ උනේ 2008 ජාත්‍යන්තර පොත් ප්‍රදර්ශනේ තිබ්බේ බණ්ඩාරනායක අනුස්මරණ සම්මන්ත්‍රන ශාලාවේ. අපි ඉස්කෝලේ පුස්ථකාලෙට පොත් ගන්න පාසැල් පොලක් තිබ්බා. අතහිත උසස් පෙළ අංශයෙන්. ඒ කියන්නේ අපෙන්. අපිටත් හැමදාම හිස් අතෙන් මේ ජීවිතෙන් යන්න බැරි හිංදා ලකුණු ටිකක් දාගන්න හිතාගෙන වැඩේට බැස්සා. අපි හිතුවට වඩා අපි සංවිධානය කරපු පොළ මහා පරිමාණයෙන් සිද්ධ උනා. මට මතකේ හැටියට 125,000 ක විතර මුදලක් එකතු උනා. ලොක්කගෙනුත් අපිට උපරිමෙම්ම උපහාර. ආසානෙ අක්කේ කිව්වලු. අපිට ඉතින් දකින දකින තැන ලකුණු. ඔන්න ඉතින් අපි ඒ සල්ලිත් අරගෙන පොත් ගෙන්න පැලෑනක් ගැහුවා. ලොක්කත් එනවා කිව්වා එයාගේ වාහනෙත් අරගෙන අපිත් එක්ක පොත් ගේන්න.

ඕකට තමා කියන්නේ දෙන දෙයියො පන්න පන්න දෙනවා කියලා. අපේ ප්‍රවාහන ගාස්තුත් ඉතුරුයි. ඔන්න දවසක් අපිට ඉස්කෝලේ ලොක්කා. නැත්නම් පිනා එහෙමත් නැතනම් පින්සිබැල් තුමා එන්න කිව්වා පුස්ථකාලෙට. අපි ගියා බලන්න මොකද මේ එන්න කිව්වේ කියලා. වෙනදට නම් එන්න කියන්නේ ලොක්කගේ කාමරේට මට මතකයි දවසක් අපි දවසක් ඉස්කෝලෙන් පැන්නා. කථා කරගත්තේ 2 .00 වෙනකොට ආපහු ඉස්කෝලෙට එන්න. (මතකද ඉස්සර ඉස්කෝලේ ඉවර උනේ හවස 2.00ට.) 

 ලොක්කා - ඔක්කොම ඇවිද්ද ඉන්නේ ? කවුරුහරි පන්ති වල ඉන්නවා නම් ඉක්මනට එන්න කියන්න. මට මේ වෙනුවෙන් ගොඩක් වෙලා ගන්න බැහැ

අපි - ඔක්කොම ආව සාර්

ලොක්කා - හරි මෙන්න මේකයි අපි එන්න කිව්වේ (ලොක්කගේ ජතික කථනය පටන් ගත්තා.)
මේ දරුවො බොහොම මහන්සි වෙලා ගමේ අයලෙනුත් උදව් අරගෙන කරපු ඉස්කෝලෙ පොලෙන් රුපියල් 125,000 ආසන්න මුදලක් එකතු වෙලා තියෙනවා.දැන් අපි මමත් මේ ගුරු මන්ඩලයත් එක්ක කථා කරගත්තු විදියට අපි ඔය ලමයින්ගෙත් සහය අරගෙන මේ ඉස්කෝලෙට වටිනා කියන පොත් පත් ටිකක් ගෙන්න.

(අපිත් හිනා උනා විතරයි මොකුත් තියන්න ගියෙ නැහැ. ඇත්තට හිත යටින් අපි හැමෝම ඇත්තටම සතුටක් තිබුනා.)

ටික් වෙලාවක් සද්දයක් නැතුව හිටපු ලොක්කා එයාගේ කථාවේ ඉතුරු කොටස  කියන්න පටන් ගත්තා.

ලොක්කා - හරි දැන් මෙන්න මෙහෙවයි වෙන්නේ. අපි හෙට හවසට ඔයාලගෙන් ගේන්න ඕනි පොත් ලැයිතුවක් ගන්නවා. ඉස්සල කරපු වැඩ වගේම මේකත් බොහොම ඕනැ කමින් කරයි කියලා හිතනවා.

ඉබ්බ දියට දැම්මම ඇන්නෑවෙ කිව්වලු. ලොක්ක අපිට මුළු පුස්ථකාලෙම පොත් ටික බලලා අඩු පොත් මොනවද නැත්නම් ගේන්න ඕනි පොත් මොනවද කියලා ලැයිතුවක් හදන්න දුන්නා. අපි පොත් පෙරල පෙරල බලන අතරේ තවත් කොනක තව කොටසක් පොත් පෙරලනවා.

අර පෝලෝ ඇඩ් එකේ වගේ ගම් පෙරළිය නෙවෙයි පෙම් පෙරළිය. 

 මට මතක හැටියට අපිට ඕනි කියන පොත් ඇරෙන්න ගත්ත පොත් අතර අදටත් මතක පොත් කිහිපයක් තියෙනවා

 ශාර්ලොක් හෝම්ස්
ඇන කැරනිනා
තිලක සහ තිලකා
ඳඟ මල්ල මහ අමුතු ඉස්කෝලේ
ගුරු ගීතය
සරසවියක දවසක්
ඈන්
මා දුටු මාර්ක්ස්වාදියා (මේ පොත මං අතින් නැති උනා, තාමත් මතක් වෙනකොට හිතට ගොඩක් දුකයි )
පිටසක්වල ජීවීන් (U.F.O)

 පොත් ගොඩක් ගත්තා උනාට මතක ඔය ටික විතරයිනේ. දුක තමා සොරි ඈහ් මතක් උනොත් අනිවාර්යෙන්ම දාන්නම්. ඔන්න ඉතින් කියපු විදියට අපිට ඕනි පොත් එක්ක පහළ පන්ති වල ඉන්න ලමයින්ට ඕනි කියන පොත් ලැයිතුවත් එක්ක අපේ 12 වසරේ 5 දෙනෙකුයි උදෙන්ම කොළඹ එන්න පිටත් උනා.අපි කොළඹට එනකොට උදේ 8.15 විතර උනා. අපි පොත් අරගෙන එළියට එනකොට දවල් 2 විතර උනා. කොහොම හරි කොටසකගේ ඉල්ලීමක් උඩ අපේ සෙට් එකට කොළඹ වටේ රවුමක් එක්ක යන්න අපේ ලොක්ක කැමැත්ත දුන්නා. අපේ සෙට් එකේ කොළඹ දැකපු නැති අයත් ඉන්නවා කිව්වොත් පිළිගන්න එකක් නැති වෙයි ඔයාලා. ඒත් එක තමා ඇත්ත. කොළඹ වටේ කරක් ගහපු අපේ සෙට් එකව එක්කගෙන ආවා Twin Tower (ටුවින් ටවර් ) එක ගාවට.. අර නිවුන්නු බිල්ඩින් දෙක. ලංකා බැංකු ගොඩනැගිල්ලට එහා පැත්තෙන් පේන්නෙ..... අන්න ඒතනට...






ඔන්න ඉතින් අපේ කස්ටිය බැස්සා. නොදන්න සෙට් එකට මැජීක් ඈහ්. නොදන්න එකෙක් නම් අහල දැන ගනිල්ලා අපේ ඔක්කෝම දැන් සියල්ල දත්තෝ වගේ ඒක දිහා බලාගෙන ඉන්නවා. එහෙම ටික වෙලා ඉන්නකොට අපේ රැලේ එකෙක් අනිත් එකාගේ පැත්තට හැරිලා කියාපි

" ඒ බං බලපංකෝ මේ පන්සලේ උස බං . මාර උසක්නේ තියෙන්නේ " කියලා

අනිත් ගොරකයා ඒ එක්ම කිව්වෙ නැතෑ

 " එතකොට බං හාමුදුරුවෝ උඩට වඩින්නේ ලිෆ්ට් එකේද බං " කියලා

අයියෝ සල්ලි මුන් නං මහ මැටි පූසෝ දෙන්නෙක්ම තමා. කට ඇරියොත් ඉවරයි. බොහොම අමාරුවෙන් ලැජ්ජාව වහගෙන උන් දෙන්නවත් පටවගෙන ආපහු ඉස්කෝලෙට ආවේ. එතකොට වේලාව හවස 5.40 විතර වෙලා තිබ්බා. මම මේක මගේ සගයෝ දෙන්නගේ නම ලිව්වේ නැත්තේ උන් දෙන්නා මේක දැක්කොත් පහවදාට මට අනිච්චාවත සංඛාරා තමා. ඒ උනාට අපේ සෙට් එකේ සෑහෙන කාලයක් උන් දෙන්ව අම්බානෙකට බයිට් උනා. උන් දෙන්නා කොහොමත් යන්නේ එන්නේ එකටමයි මරු ගජයෝ දෙන්නේක්. උන් දෙන්නා එනවා දකිනකොට අපේ එවුන් කියනවා " මචෝ අන්න ටුවින් ටවර් එනවා " කියලා. කෙරන්න දෙයක් නැහැ ඕකට තමා කියන්නේ ඉල්ලන් කනවා කියලා

 යකෝ මොකෙක් උනත් තමන් නොදන්න දෙයක් තියෙනවා නම් අහල දැන් ගත්තා කියලා ලැජ්ජාවක් වෙන්නේ නැහැනේ.